Trajnim i Përparuar për Krimin Kibernetik për Gjyqtarët dhe Prokurorët

Ky trajnim bazohet në kursin hyrës të trajnimit për gjyqtarë dhe prokurorë të zhvilluar nga Këshilli i Evropës dhe projekti GLACY. Ky trajnim është hartuar me qëllim që t'u ofrojë gjyqtarëve dhe prokurorëve një nivel shtesë njohurish mbi krimin kibernetik dhe provat elektronike dhe t'u lejojë atyre qasje në nivele të përmirësuara të kuptimit dhe zbatimit të teknikave të avancuara për analizën ligjore të provave të paraqitura gjatë fazës përgatitore dhe të shqyrtimit kryesor.

Qëllimi i kursit është të ofrojë njohuritë dhe aftësitë që do t'u lejojnë gjyqtarëve dhe prokurorëve të përmbushin rolet e tyre në lidhje me hetimin dhe gjykimin e krimit kibernetik. Ky kurs është hartuar për t'u ndërtuar mbi rezultatet e të nxënit të kursit bazë të trajnimit për krimin kibernetik për gjyqtarë dhe prokurorë dhe duhet të ndiqet vetëm nga ata që e kanë përfunduar me sukses atë kurs.

Kursi i avancuar i trajnimit është ndërtuar në një mënyrë që t'u mundësojë gjyqtarëve dhe prokurorëve që kanë kaluar nëpër modulin hyrës të rrisin njohuritë e tyre mbi natyrën e krimit kibernetik, termat dhe teknologjinë duke u marrë me një skenar praktik rasti nga padia fillestare, përmes hetimit dhe procesit të gjykimit, duke përfshirë gjykimin si ushtrim gjyqësor simulues, duke përfshirë finalizimin e tij me baza dhe prova të mjaftueshme ligjore për gjykim të suksesshëm.